ഒരു ചന്തിയും, ചില വാലന്റൈന്സ് ബിസിനസ്സ് ചിന്തകളും
2009 ഫെബ്രുവരിയിലാണ് ഞാന് ലോകത്തെ പുതുയുവതയും, പ്രത്യേകിച്ച് കേരളത്തിലെ പുതിയ വിനോദമാധ്യങ്ങളും, ആഭരണശാലകളും 14 ഫെബ്രുവരിയില് ആഘോഷിക്കുന്ന “ചന്തി ദിവസ്”നെ പറ്റി എഴുതിയിരുന്നത്. അതിലെ അന്ത്യന്തം രസകരങ്ങളായ കമന്റുകള് വായിക്കാന് ഇവിടം സന്ദര്ശിക്കുക.
ലോകത്തിലെ എല്ലാം റീമേക്ക് ആക്കുന്ന ഈ സന്ദര്ഭത്തില് ഞാനും എന്റെ ആ പഴയ പോസ്റ്റ്, പുതുക്കി വീണ്ടും പ്രസിദ്ധികരിക്കുകയാണ്. ഫെബ്രുവരി 14-ന് ഈ ലോകം ആഘോഷിക്കുന്ന ഹാപ്പി ചന്തിദിവസ്സിന് വേണ്ടി.
ലോകം വാലന്റൈന്സ് ഡേ എന്ന് ആഘോഷിക്കുന്ന ഫെബ്രുവരി 14 ശരിക്കും പ്രണയദിനമെന്നതിലുപരി തീര്ത്തും കച്ചവടവല്ക്കരിക്കപ്പെട്ട ഏത് ആഘോഷം പോലെയും അതിനെ മുര്ദ്ധന്യരൂപമാണ്. അത് കൊണ്ടാണ് കേരളത്തില് ഓണം അല്ലെങ്കില് ക്രിസ്തുമസ്സ് തുടങ്ങിയ ഉത്സവങ്ങളുടെ പവിത്രതയും, നന്മയും മറയുകയും, കേരളത്തിലെ വിനോദമാധ്യമങ്ങള് അവരുടെ സ്പോണ്സേര്ഡ് പരിപാടികളിലൂടെ യുവതയെ മുറികളില് തളച്ചിടാന് ശ്രമിക്കുകയും ചെയ്യുന്നത്. അത് പോലെ കേരളത്തിലെ മാധ്യമങ്ങള് ഹൈജാക്ക് ചെയ്യുന്നതാണ് വി. റമദാന് ദിനങ്ങള്. വിശക്കുന്നവന്റെ വിശപ്പും, പ്രാര്ത്ഥനയിലൂടെ ആര്ജ്ജിക്കാവുന്ന ഹൃദയവിശുദ്ധിയും മറന്ന് കൊണ്ട്, വെറും കച്ചവടതാല്പര്യങ്ങളും, സമ്പന്നതയുടെ കാപട്യവും, പൊങ്ങച്ചവും നിറഞ്ഞ തീര്ത്തും അശ്ലീലപരവും, കേവലം മനം മടുപ്പിക്കുന്നതുമായ “ഫുഡ് ഫെസ്റ്റിവല്” ആക്കി ആ വിശുദ്ധ ദിനങ്ങളെ മാറ്റിയത്. എന്നാല് കഴിഞ്ഞ വര്ഷങ്ങളില് “ഫുഡ് ഫെസ്റ്റിവലിനെതിരെ” ആളുകള് പ്രതികരിക്കുന്നതിലൂടെ ചില നല്ല മാറ്റങ്ങള് വി. റമദാന് ദിനത്തില് ടെലിവിഷന് മാധ്യമത്തിലൂടെ കാണാന് കഴിയുണ്ട്. ആഗോളകുത്തകകളുടെ കാവല്ക്കാരും, കുഴലൂത്തുകാരനുമായി മാറിയിരിക്കുന്നു നമ്മുടെ മാധ്യമങ്ങള്. അതിലൂടെ ലാഭം മാത്രം കാണുന്ന ഒരു കൂട്ടം കച്ചവടക്കാരും.
പറഞ്ഞു വന്നത് ഈ വരുന്ന വാലന്റൈന്സ് ഡേ എന്ന ആഘോഷത്തെക്കുറിച്ചാണ്. കേരളത്തിലെ ബുദ്ധിജീവികള്, പുരോഗമനപ്രസ്ഥാനങ്ങള്, ചില മുസ്ലിം, ഹിന്ദു മത സംഘടനകള് എല്ലാം വാലന്റൈന്സ് ഡേയ്ക്ക് എതിരായി ലേഖനങ്ങളും, ഭീഷണിയും, ഫത്വകളും പുറപ്പെടുവിച്ചത് നമ്മള്ക്ക് അറിയാവുന്നതാണ്. എതിര്ക്കുന്നവര്, ചുവന്ന ബലൂണുകള്, ചുവന്ന ടെഡിബിയറുകള്, ചുവന്ന റോസുകള് എല്ലാം വില്ക്കുന്ന കടകളും, അന്ന് ആഘോഷപരിപാടികള് സംഘടിപ്പിക്കുന്ന ഹോട്ടലുകള്ക്ക് നേരെയും, അന്ന് ക്രൌഞ്ചപക്ഷികളായി കൊക്കുരുമിനടക്കുന്ന കാമുകികാമുകന്മാരെയും വളഞ്ഞ് വച്ച് ആക്രമിക്കുന്നതായി നമ്മള് കാണുന്നതാണ്. അത്തരം തീര്ത്തും ജനാധിപത്യരഹിതമായ ആക്രമണങ്ങള് ഉപേക്ഷിച്ച് തീര്ത്തും നട്ടപ്പിരാന്തന് ശൈലിയില് ഈ ദിവസത്തിനെതിരെ പ്രതികരിക്കണമെന്ന് അഭ്യര്ത്ഥിക്കാനാണീ പോസ്റ്റ് പ്രസിദ്ധികരിക്കുന്നത്.
അതിനു മുമ്പ് താഴെ കൊടുത്തിരിക്കുന്ന വാലന്റൈന്സ് ഡേയുമായി ബന്ധപ്പെടുത്തിയുള്ള ചില നട്ടപ്പിരാന്തുകള് പരിശോധിക്കുന്നത് വളരെ രസകരമായിക്കും. ഫെബ്രുവരി 14 വാലന്റേന്സ് ഡേ ആണെങ്കില് നവംബര് 14; ശിശുദിനമാണ്. അതായത്. ഫെബ്രുവരി 14 കഴിഞ്ഞ് “ഒമ്പത് മാസം” കഴിയുമ്പോള് നവംബര് 14 ശിശുദിനം വന്നെത്തും. “വാട്ട് ആന് ഐഡിയ ക്യാന് ചെയ്ഞ്ച് ഔര് ലൈഫ്”
അന്താരാഷ്ടപ്രശസ്തമായ “ഡ്യുറക്സ് കോണ്ടം” കമ്പനിയുടെ കണക്കനുസരിച്ച്, വാലന്റൈന്സ് ദിവസത്തില് സാധാരണയില് കൂടുതല് അതായത് 30%-40% കൂടുതല് കോണ്ടം വില്പന നടക്കുന്നുവെന്നാണ് അറിയിപ്പ്.
മറ്റോരു കണ്ടെത്തല്, വീട്ടില് വച്ച് നടത്തുന്ന പ്രെഗ്നനന്സി ടെസ്റ്റിന്റെ കിറ്റുകള് ഏറ്റവും കൂടുതല് ചിലവാകുന്നത് മറ്റേതെരു മാസത്തേക്കാള് കൂടുതല് മാര്ച്ച് മാസത്തിലാണെന്നതാണെന്നതാണ്.
ഇതിലേറെ രസകരമായ മറ്റോരു കണ്ടെത്തല് സെഫിലിസ്, ഗോണോറിയ തുടങ്ങിയ ലൈംഗീക രോഗങ്ങള്ക്ക് എതിരായിട്ട് ഏറ്റവും ഫലപ്രദമായി ഉപയോഗിക്കുന്ന വാക്സിനായ “പെനിസിലിന്” അവതരിക്കപ്പെട്ടത് ഫെബ്രുവരി 14- 1929 ലാണ്.
അപ്പോള് പറഞ്ഞ് വന്നത്, മുകളില് പറഞ്ഞതൊക്കെ ശരിയാണെങ്കില് എന്തിന് നമ്മള്, മടിച്ച് നില്ക്കണം, അതായത് ആ വാലന്റെന് അച്ചനെക്കാള് നല്ലൊരു മാതൃക നമ്മുടെ ഭാരതീയ പുരാണത്തില് ഉണ്ട്; മിസ്റ്റര് കാമദേവന്. എന്തുകൊണ്ട് നമ്മള്ക്ക് ഈ വാലന്റൈന്സ് ഡേ, ഭാരതീയവല്ക്കരിച്ച് കൊണ്ട് “കാമദേവന് ദിവസ്” എന്നാക്കിക്കൂടാ!!!!!!!!!!!!!!!!
എല്ലാവരും പറയുന്നു ഈ മുകളില് കാണുന്നത് ഹൃദയത്തിന്റെ അടയാളമാണെന്ന്, ഈ രൂപത്തില്, ബലൂണുകള്, മിഠായികള്, ആശംസകാര്ഡുകള്, ആഭരണങ്ങള് എല്ലാം നമ്മുക്ക് കാണുകയും, അത് വളരെ സന്തോഷത്തോടെ വാങ്ങുകയും അത് സമ്മാനമായി പ്രിയപ്പെട്ടവര്ക്ക് നല്കുന്ന അനേകരെ നമ്മുക്ക് കാണുകയും ചെയ്യാം.
എന്നാല് ഇത് നമ്മള് കരുതുന്നതുപോലെ വാലന്റൈന് ഡെയുടെ കുത്തകയെന്ന അവകാശപ്പെടുന്ന ഹൃദയമാണോ, അല്ലെങ്കില് പ്രണയത്തിന്റെ ചിഛ്നമായി കരുതപ്പെടുന്ന ഹൃദയമാണോ??????
എന്നാല് ഞാന് പറയുന്നു. അല്ലെങ്കില് താഴെ കാണുന്ന ഈ ചിത്രങ്ങള് പറയട്ടെ……അത് ഹൃദയത്തിന്റെ ചിത്രമല്ല……….മറിച്ച് ഏതോ കലാകാരന്റെ ഭാവനയില് വിരിഞ്ഞ, നല്ല ഭംഗിയുള്ള സ്ത്രീകളുടെ ചന്തിയുടെ കലാപരമായ രൂപമാണെന്ന്. സംശയമുണ്ടോ, നല്ല ചന്തിയുള്ളവര്ക്ക് ഒരു നിലക്കണ്ണാടി വച്ച് സ്വയം പരിശോധിക്കാവുന്നതാണ്, അല്ലെങ്കില് സ്വന്തമായി ഭാര്യയുള്ളവര്ക്ക് അങ്ങിനെയും പരിശോധിച്ച് ബോധ്യപ്പെടാവുന്നതാണ്. ഞാനിപ്പോള് നന്നാവാന് തീരുമാനിച്ചതിനാല് അത്തരം ചിത്രങ്ങള് ഇവിടെ പ്രസിദ്ധികരിക്കുന്നില്ല. അത്രയും സൌന്ദര്യവല്ക്കരിക്കുന്നത് വായനക്കാര്ക്കും രുചിക്കണമെന്നില്ലല്ലോ.
എന്തായാലും……അത്രയും നമ്മള് കടുപ്പിക്കേണ്ട……….ഈ താഴെ കാണുന്ന കുഞ്ഞുചന്തികളിലൂടെ നോക്കി മനസ്സിലാക്കാം.
കച്ചവടതാ ല്പര്യമുള്ളവര്ക്ക് അറിയാം സ്ത്രീകളുടെ ചന്തിയുടെ എമ്പ്ലം വില്ക്കാന് ശ്രമിച്ചാല് ആരും വാങ്ങില്ല, ഇനി അത് ലോകമറിഞ്ഞാല് വില്പനയും കുറയുമെന്ന്, മറിച്ച് അ ത് പ്രണയതരളിതമായ ഹൃദയമെന്ന് തെറ്റിദ്ധരിപ്പിച്ച്, ഒരു ജനതയെ കളിപ്പിക്കുന്നു. ഇനി ഈ ചന്തി അത്ര ചീത്ത അവയവമൊന്നുമല്ല. ഏതാണ്ട് ഞാനടക്കമുള്ള 80% ആണുങ്ങളും ഏറ്റവും ഇഷ്ടപ്പെടുന്ന സ്ത്രീകളുടെ മനോഹരമായ, സൌന്ദര്യം തുളുമ്പുന്ന അവയവമാണത്. പക്ഷെ എന്തിന് നമ്മളെ തെറ്റിദ്ധരിപ്പിക്കുന്നു.
ഇതാണ് ഹൃദയത്തിന്റെ ചിത്രം………ഇതെങ്ങനെ ഈ ആളുകള് പറയുന്ന തരത്തില് “ലൌ ചിഹ്ന“മായി വരും?
ഇനി എല്ലാവരും പ്രണയചിഛ്നമായി കാണുന്ന പ്രസ്തുത ചിഛ്നം തന്നെ നമ്മുക്ക് പരിശോധിക്കാം. നമ്മള് കണ്ട് പരിച
യിച്ച ചില ഇത്തരം ചിത്രങ്ങളില്, ഒരു അമ്പ് കാണാം ഈ ചിഹ്നത്തെ തുളച്ച് കയറിയതായി.അതും ചി
ലത് മുമ്പിലൂടെ തുളച്ച് കയറുന്നു………..ചിലത് പുറകിലൂടെ തുളച്ച് കയറുന്നു………..(എല്ലാവരും കളിയാക്കുന്നത് പോലെ ഇത് ഞങ്ങള് മലപ്പുറം, കോഴിക്കോടന് സ്റ്റൈല് ആണെന്ന് വിചാരിക്കരുത്. കാമസൂത്രത്തിലും, ബൈബിളിലെ പഴയനിയമത്തിലും ഇത്തരം പ്രകടനങ്ങള് ഉള്ളതായി വായിച്ചാലറിയാം)… നിങ്ങള്ക്ക് പിരാന്തില്ലെങ്കില് ചിന്തിക്കുക. ഞാന് ഒരു ക്ലൂ തന്നുവെന്ന് മാത്രം. ഒത്തിരി പറയാനുണ്ട് ഇതിനെക്കുറിച്ച് പക്ഷേ…. ഇത്തരം ചിന്തകള് ഞാന് കൂടുതല് എഴുതിയാല് വായനക്കാര് പറയും എനിക്ക് നട്ടപിരാന്ത് അല്ല കാമപ്പിരാന്ത് ആണെന്ന്. ഞാന് നന്നാവാന് തീരുമാനിച്ചതിനാല് കുടുതല് എഴുതുന്നില്ല.
എന്തായാലും എന്റെ നല്ലവരായ വായനക്കാര്ക്കും നല്ല ചന്തിദിനാശംസകള് താഴെ കാണിച്ച ചിത്രത്തിനാല് നേര്ന്ന് കൊണ്ട് … നിര്ത്തട്ടെ. താഴെ കാണിച്ച ചിത്രത്തെക്കാള് എന്ത് നല്ല ആശംസയാണ് ഈ ചന്തിദിനത്തില് നിങ്ങളെ ഞാന് കാണിക്കുക.
അതിനാല്…………ജോയിച്ചേട്ടന് ചന്തിയുടെ രൂപത്തിലുള്ള സ്വര്ണലോക്കറ്റ് വില്ക്കുവാനുള്ള പരസ്യം കാണിക്കുമ്പോഴോ, രാമേട്ടന് ഈ ചന്തി ദിവസത്തില് പുതിയ “വിസ്വസ്ത“ പരസ്യം കാണിക്കുമ്പോഴോ, അല്ലെങ്കി നമ്മുടെ ലാലേട്ടന്, “ചന്തി മീന്സ് ക്വാളിറ്റി” എന്ന് ചാനലുകളില് “ ചന്തി ദിവസ്/ കാമദേവന് ഡേ” പരിപാടികള്ക്കുള്ള പരസ്യം കാണിക്കുമ്പോഴോ………… എനിക്ക് പറയാനുള്ളത്, ഇത്രമാത്രം “നിങ്ങള് സ്വന്തം ചന്തികളില് അഭിമാനിക്കൂ…..”
ചന്തിദിനാംശംസകളോടെ
നട്ടപ്പിരാന്തന്.
